RegionalPosted at: Mar 28 2024 3:51PM چھتیس گڑھ میں دوسرے مرحلے کی تین سیٹوں پر آج سے نامزدگی شروع
رائے پور 28 مارچ (یو این آئی ) لوک سبھا انتخابات کے دوسرے مرحلے کے لیے نوٹیفکیشن جاری ہونے کے ساتھ ہی چھتیس گڑھ کی تین پارلیمانی سیٹوں کے لیے آج سے نامزدگیوں کا آغاز ہو گیا ہے۔
چیف الیکٹورل آفیسر رینا بابا صاحب کنگالے نے بتایا کہ لوک سبھا انتخابات کے دوسرے مرحلے کے لیے آج نوٹیفکیشن جاری کر دیا گیا ہے اور اس کے ساتھ ہی نامزدگی کا عمل بھی شروع ہو گیا ہے۔امیدوار مہاسمند، کانکیر اور راج ناندگاؤں کی تین سیٹوں کے لیے اپنے کاغذات نامزدگی داخل کر سکیں گے۔
انہوں نے کہا کہ دوسرے مرحلے میں کاغذات نامزدگی داخل کرنے کی آخری تاریخ 04 اپریل ہے۔ کاغذات نامزدگی کی جانچ پڑتال 05 اپریل کو ہوگی۔ کاغذات نامزدگی واپس لینے کی آخری تاریخ 08 اپریل ہے۔ دوسرے مرحلے کے لیے ووٹنگ کی تاریخ 26 اپریل ہے۔
یو این آئی۔ م ع۔ 1445