ممبئی 28 مارچ (یو این آئی) دنیا کے بڑے مرکزی بینکوں کی جانب سے سود کی شرحوں میں کمی کرنے کی امید میں عالمی منڈی میں مثبت رجحان کے درمیان مقامی سطح پر ملک کی اقتصادی ترقی کے تخمینے میں اضافہ اور آر بی آئی کے متبادل سرمایہ کاری فنڈ (اے آئی ایف) میں قرض دہندگان کے سرمایہ کاری کے اصولوں میں نرمی کے بعد مالی حالت میں بہتری کے باعث ہمہ گیر خریداری کی وجہ سے رواں مالی سال کے آخری کاروباری دن آج اسٹاک مارکیٹ گلزار رہی۔
بی ایس ای کا 30 شیئروں کا حساس انڈیکس سینسیکس 655.04 پوائنٹس کی چھلانگ لگا کر دو ہفتے کی بلند ترین سطح 73,651.35 پوائنٹس پر بند ہوا۔ اس سے پہلے 12 مارچ کو یہ 73667.96 پوائنٹس پر تھا۔ اس کے علاوہ نیشنل اسٹاک ایکسچینج (این ایس ای) کا نفٹی 203.25 پوائنٹس اچھل کر 22،326.90 پوائنٹس تک پہنچ گیا۔ اسی طرح بی ایس ای کا مڈ کیپ 0.62 فیصد بڑھ کر 39,322.12 پوائنٹس اور اسمال کیپ 0.33 فیصد مضبوط ہوکر 43,166.34 پوائنٹس پر رہا۔
اس دوران بی ایس ای میں کل ملاکر 3938 کمپنیوں کے حصص میں کاروبار ہوا جن میں سے 1802 میں خریداری، 2024 میں فروخت ہوئی جبکہ 112 میں کوئی تبدیلی نہیں ہوئی۔ اسی طرح نفٹی کی 45 کمپنیاں سبز رنگ میں بند ہوئیں جبکہ باقی پانچ کمپنیاں سرخ نشان پر بند ہوئیں۔
تجزیہ کاروں کے مطابق ریزرو بینک آف انڈیا (آر بی آئی) نے بدھ کے روز دسمبر میں لائے گئے اصولوں میں نرمی کی ہے جس کے تحت لازمی قرض دہندگان اگر متبادل سرمایہ کاری کے فنڈز میں خریداری کرتے ہیں تہ انہیں اعلی دفعات کو الگ رکھنا ہوگا۔ قوانین میں نرمی سے مالیاتی صورتحال میں تیزی آئی اور مارکیٹ نے اونچی چھلاکنگ لگائی۔ اس کے علاوہ مالیاتی صلاح دینے والی ایس اینڈ پی گلوبل کے بعد اب مورگن اسٹینلے نے مالی سال 2024-25 کے لیے ملک کی مجموعی گھریلو پیداوار (جی ڈی پی) کی شرح نمو کا تخمینہ 6.8 فیصد تک بڑھا دیا ہے، جس سے مارکیٹ میں سرمایہ کاروں کی سرمایہ کاری میں اضافہ ہوا ہے۔
اس کی وجہ سے بی ایس ای کے تمام 20 گروپس میں زبردست خریداری ہوئی۔ اس عرصے کے دوران کموڈیٹیز 0.95، سی ڈی 0.94، انرجی 0.57، ایف ایم سی جی 0.64، فائنانشیل سروسز 0.95، ہیلتھ کیئر 1.18، انڈسٹریلس 1.12، آئی ٹی 0.55، ٹیلی کام 0.64، یوٹیلٹیز 1.29، آٹو 1.19، بینکنگن 0.82،کیپیٹل گڈس 1.54، کنزیومر ڈیورییبلس 1.00، میٹل 1.11، آئل اینڈ گیس 0.85، پاور 1.69، ریئلٹی 0.52، ٹیک 0.63 اور سروسز گروپ کے شیئر 0.53 فیصد مضبوط ہوئے۔
بین الاقوامی سطح پر تیزی کا رجحان رہا۔ اس عرصے کے دوران برطانیہ کے ایف ٹی ایس ای میں 0.34، جرمنی کے ڈی اے ایکس میں 0.13، ہانگ کانگ کے ہینگ سینگ میں 0.91 اور چین کے شنگھائی کمپوزٹ میں 0.59 فیصد کا اضافہ ہوا۔ تاہم جاپان کے نکیئی میں 1.46 فیصد کی گراوٹ رہی۔
یو این آئی۔ م ع۔ 1700