NationalPosted at: Apr 15 2024 4:46PM بی آر ایس لیڈر کویتا 23 اپریل تک عدالتی حراست میں
نئی دہلی، 15 اپریل (یو این آئی) دہلی کی ایک خصوصی عدالت نے مبینہ ایکسائز پالیسی 2021-2022 گھپلے کے معاملے میں بھارت راشٹرا سمیتی (بی آر ایس) قانون ساز کونسل رکن کے کویتا کی سنٹرل بیورو آف انویسٹی گیشن (سی بی آئی) کی تین دن کی تحویل کی مدت پوری ہونے کے بعد انہیں پیر کو 23 اپریل تک عدالتی حراست میں بھیج دیا گیا ہے راؤس ایونیو میں واقع کاویری باویجہ کی خصوصی عدالت نے محترمہ کویتا کو 14 دن کی عدالتی حراست میں بھیجنے کی سی بی آئی کی درخواست پر غور کرنے کے بعد یہ حکم جاری کیا۔
عدالت نے ایکسائز پالیسی مبینہ گھپلے سے متعلق منی لانڈرنگ کیس میں عدالتی حراست میں پہلے ہی تہاڑ جیل میں بند محترمہ کویتا کو 12 اپریل کو تین دنوں کے لئے سی بی آئی کی حراست میں بھیجنے کا حکم دیا تھا۔
سی بی آئی نے عدالت کے سامنے الزام لگایا تھا کہ دہلی ایکسائز پالیسی گھپلے میں بی آر ایس لیڈر کویتا کا بڑا رول رہا ہے۔
سی بی آئی نے خصوصی عدالت کی اجازت سے محترمہ کویتا کو جیل میں پوچھ تاچھ کے بعد جمعرات کو گرفتار کیا تھا۔
تلنگانہ کے سابق وزیراعلی کے چندر شیکھر راؤ کی بیٹی کویتا (46) کو ای ڈی نے 15 مارچ کو حیدرآباد میں ان کی رہائش گاہ سے گرفتار کیا تھا۔ اس کے بعد کئی دنوں تک ای ڈی کی حراست میں رکھنے کے بعد انہیں عدالتی حراست میں بھیج دیا گیا۔
مرکزی تحقیقاتی ایجنسی سی بی آئی نے 17 اگست 2022 کو مالی سال 2021-22 ا (جسے تنازعہ کے بعد منسوخ کر دیا گیا تھا) کے لئے ایکسائز پالیسی کی تشکیل اور نفاذ میں کی گئیں مبینہ بے ضابطگیوں کا الزام لگاتے ہوئے ایک فوجداری مقدمہ درج کیا تھا۔ اسی بنیاد پر ای ڈی نے 22 اگست 2022 کو منی لانڈرنگ کا مقدمہ درج کیا تھا۔
یو این آئی۔ این یو۔