بھوپال،16اپریل(یو این آئی)یہاں ایک پروقار تقریب میں آئی پی ایس (ریٹائرڈ) ڈی جی پی چھتیس گڑھ محمد وزیر انصاری کی علی حسین عاصم بہاری پر تحریرکردہ اُردو کتاب کے انگریزی ورژن کا اجراءعمل میں آیا یہ تقریب اقلیت، ایس سی، ایس ٹی ، او بی سی کے زیراہتمام منعقد کی گئی ، جس میں تمام مقررین نے دونوں بلندپایہ رہنماﺅں کو یاد کرتے ہوئے ان کے خیالات کو عوام تک پہنچانے کی اپیل کی۔
اس موقع پر خطاب کرتے ہوئے بھنتے شاکیہ پتر ساگر تھیرو نے کہا کہ بابا صاحب کے دئےے ہوئے آئین کو بچانا اس وقت کی سب سے بڑی ضرورت ہے۔ اسی سے ہماری تہذیب و ثقافت محفوظ رہے گی، ہم سب محفوظ رہےں گے اور ملک محفوظ رہے گا۔ انہوںنے کہا کہ دونوں ہی عظیم رہنماﺅں نے ذات پات کو ختم کرنے کی بات کہی لےکن آزادی کے 77 سال بعد بھی یہ ختم نہیں ہوئی ہے، آج ہمیں عہد کرنا چاہئے کہ ہم ان کی اس مہم کو ضرور آگے بڑھائیں گے اور سماج سے ذات پات کو ختم کریں گے۔ذاتی مردم شماری کی بھی بات کہی گئی،اور اس ملک میں تمام مذاہب کے لوگوں کی شراکت کی بات کہی جو آج جمہوری نظام میں آبادی کے تناسب سے نہیں ہو پار ہا ہے۔
پروگرام سے خطاب کرتے ہوئے اے ایم یو اولڈ بوائش ایسو سی ایشن کے صدر اعظم علی خان نے کہا کہ آج مسلمانوں کے بیچ بابا صاحب ڈاکٹر بھیم راﺅ امبیڈکر اور بابائے قوم علی حسین عاصم بہاری جیسی شخصیت کی سخت ضرورت ہے۔انھوں نے مزید کہا کہ بابا صاحب ڈاکٹر بھیم راﺅ امبیڈکرکی شخصیت سے تو سبھی لوگ واقف ہےں لےکن بابائے قوم علی حسین عاصم بہاری کی شخصیت سے بہت سے لوگ ناواقف ہےں ہمیں ان کی شخصیت کو متعارف کرانے کی ضرورت ہے، نیز ان پر پی ایچ ڈی بھی ہونا چاہئے اور ان دونوں شخصیات کے نام سے تعلیمی ادارے اور لائبریری بھی کھلنی چاہئے۔
پروگرام میں دیگر مقررین نے بھی اپنے خطاب میں دونوں عظیم رہنماﺅں کے نقش قدم پر چلتے ہوئے ان کی زندگی سے لوگوں کو واقف کرانے کی بات کہی۔یہ بھی کہا گیا کہ آئین کی دفعہ 341 (1950 کے صدارتی آرڈر) کو ختم کرنے کےلئے ملکی سطح پر پر تحریک اور مومنٹ چلائی جانا چاہئے اور جو بھی لیڈر یا پارٹی اسے ختم نہ کرنے کی بات کہے تو ان کا بائیکاٹ بھی ہم سب کو کرنا چاہئے۔ آئندہ انتخابات میں آئین کو بچاتے ہوئے ہمیں یہ فکر کرنا ہے کہ منووادی پونجی وادی عناصر ایوان (پارلیمنٹ) میں نہ جائیں چاہے ان کا تعلق کسی بھی پارٹی سے ہو، نیز جھوٹے مکار اور کم پڑھے لوگ بھی پارلیمنٹ میں نہ جانے پائیںاس کی فکر کرنا ہے۔نیز جو جرائم پیشہ لوگ ہیں جن کے خلاف مقدمات درج ہےں ایسے لوگ بھی ہرگز ایوان میں نہ جانے پائیں۔
پروگرام میں خاص طور پر بھنتے شاکیہ پتر ساگر،منتظم جی پی مہرا، ایڈوکیٹ حاجی محمد ہارون،آئی پی ایس ایم ڈبلیو انصاری، اے ایم یو اولڈ بوائز ایسوسی ایشن کے صدر اعظم علی خان،بھوپال میئر مالتی رائے ، اےم اےل اے بھگوان داس سبنانی، راہل کوٹھاری، سبھاجیت یادو آئی اے ایس کے علاوہ مہمان خصوصی کے طور پر تھک تھوئی تھونگ اور دیگر کئی معززین موجودتھے۔تمام لوگوں نے ان دونوں عظیم رہنماﺅں کے تعلیمی مشن کو آگے بڑھانے کی بات کہی۔
خیال رہے کہ گذشتہ روز بابا صاحب ڈاکٹر بھیم راﺅ امبیڈکر اور بابائے قوم علی حسین عاصم بہاری کا یوم پیدائش مو ¿رخہ14 اور 15 اپریل کو پورے ملک میں بڑی دھوم دھام کے ساتھ منایا گیا۔ اپنی ساری زندگی غریبوں، مظلوموںکو انصاف دلانے،ذات پات،اُونچ نیچ اور آپسی بھیدبھاﺅکو ختم کرنے کے لیے وقف کرنے والے یہ دونوں عظیم رہنما، دیش رتن تقریباًہم عصر ہیں اور ان کی حیات وخدمات کی بات کریںتو دونوں رہنماﺅں میں بڑی حد تک یکسانیت پائی جاتی ہے۔دونوں کی زندگی پیدائش سے لے کر وفات تک یکساں رہی ہے۔
یو این آئی۔ ایف اے۔م الف