نئی دہلی، 29 نومبر (یو این آئی) ٹیکسی کے شعبے میں کاروبار کرنے والی بین الاقوامی کمپنی اوبر نے اپنی مہم 'اسٹینڈنگ فار سیفٹی' کے تحت ٹیکنالوجی پر مبنی سہولتیں متعارف کرائی ہیں۔
اوبر انڈیا کے حکام نے منگل کو یہاں ایک پریس کانفرنس میں بتایا کہ کمپنی نے صارفین کے لیے آڈیو رئیر سیٹ بیلٹ ریمائنڈر متعارف کرایا ہے، جو سفر کے آغاز میں پچھلی سیٹ پر رہنے والوں اور ڈرائیور کو سیٹ بیلٹ باندھنے کے لیے مطلع کرے گا۔ کمپنی کا ایس او ایس انٹیگریشن ایمرجنسی کی صورت میں ایک بٹن دبانے پر ڈرائیور اور مسافر کو مقامی پولیس اسٹیشن سے جوڑ دے گا۔ یہ سہولت فی الحال صرف حیدرآباد میں ہے جسے جلد ہی ملک کے بڑے شہروں میں شروع کیا جائے گا۔
اس موقع پر دہلی پولیس کے ایڈیشنل کمشنر مہیش بھاردواج نے کہا کہ اوبر بہت اچھی سروس فراہم کر رہا ہے اور دہلی پولیس مسافروں کی حفاظت وغیرہ جیسے معاملات میں اوبر کے ساتھ مکمل تعاون کرے گی۔ انہوں نے کہا کہ کچھ ڈرائیور ٹریفک قوانین کی خلاف ورزی کرتے ہیں اور ان پر نشان لگا کر انہیں روکنے کی ضرورت ہے۔ شرابی ڈرائیوروں پر بھی کڑی نظر رکھی جائے۔ انہوں نے کہا کہ خواتین اور ان کے سامان سمیت تمام مسافروں کی حفاظت ضروری ہے اور توقع ہے کہ اوبر اسے سنجیدگی سے لے گا۔
کمپنی کے ہیڈ آف سیکیورٹی آپریشنز (انڈیا اور ساؤتھ ایشیا) سورج نائر نے کہا، "ہمارے لیے ہمارے صارفین کو سیکیورٹی فراہم کرنے سے زیادہ کوئی چیز اہم نہیں ہے۔ اوبر اپنے پلیٹ فارم پر سواروں اور ڈرائیوروں کو سہولت فراہم کرنے کے لیے مسلسل کام کر رہا ہے۔ ہم ان خصوصیات کو متعارف کرانے میں خوش ہیں۔ ہمیں یقین ہے کہ سیکورٹی کو کبھی نہیں روکنا چاہئے اور ہمارے پلیٹ فارم پر سیکورٹی کو بڑھانے کے لئے کام کرتے رہیں گے۔
مسٹر نائر نے کہا کہ اوبر نے رائڈ چیک3.0 بھی لانچ کیا ہے، جس میں ایک نوٹیفکیشن بھیجا جائے گا کہ اگر گاڑی کو طویل مدت کے لیے روکا جاتا ہے تو پوچھا جائے گا کہ کیا سب کچھ ٹھیک ہے۔ اس کے علاوہ ری ویمپڈ سیفٹی ٹول کٹ اور ایکسپنڈڈ سپورٹ جیسی خصوصیات میں بہتری لائی گئی ہے۔ انہوں نے مزید کہا کہ نئی خصوصیات ٹیکنالوجی اور انسانی مداخلت کے ساتھ صارفین کے لیے سفر کو محفوظ بنانے کے لیے کمپنی کے عزم کی عکاسی کرتی ہیں۔
یو این آئی۔ ع ا۔