SportsPosted at: Mar 30 2023 3:38PM ائیر ڈبلیو ٹی سی فائنل کی امیدوں کے ساتھ این سی اے پہنچے
بنگلورو، 30 مارچ (یو این آئی) ہندوستانی مڈل آرڈر بلے باز شریاس ائیر اپنی کمر میں بار بار اٹھنے والے درد کے سلسلے میں یہاں نیشنل کرکٹ اکیڈمی (این سی اے) پہنچ گئے ہیں۔
کرک بزکی طرف سے بدھ کو جاری کردہ رپورٹ کے مطابق، ائیر 7 جون سے ہونے والے ورلڈ ٹیسٹ چیمپئن شپ (ڈبلیو ٹی سی) فائنل میں ہندوستان کی نمائندگی کرنا چاہتے ہیں، اس لیے انہوں نے سرجری سے گزرنے کے بجائے این سی اے میں متواتر علاج کرانے کا فیصلہ کیا ہے۔
ائیر جمعرات کو ایک انجکشن سے گزریں گے جس کے بعد این سی اے کا عملہ اکیڈمی میں ان کے قیام کی مدت کا فیصلہ کرے گا۔